Plantun de Prouvènço

Pèr coumpara dos planto d'encò nostre

Rosa dumalis & Thymus pulegioides

Agufié(-roso)

Rosa dumalis

Rosaceae

Àutri noum : Agoulencié, Agrufié, Agoulancié, Grato-quiéu, Tapo-cuou.

Nom en français : Églantier commun.

Descripcioun :
Aquel agufié, Rosa dumalis, trachis dins li relarg mountagnous e roucaious. Douno d'èr à Rosa canina, mai èi bèn mens coumun. Èi mai rabasset, emé de fueio souvènt verdalo e de flour pus acoulourido, roso vivo. La diferènci founso èi de vèire dóu coustat de l'ourifice calicinau qu'èi mai grand (>1/4 de la larjour, vèire la fotò). Aquel agufié-roso, presenta aqui èi Rosa dumalis s.s. (sènso glando sus lou pecou, dènt di fueioun coumpausado e sènso péu souto li fueio).

Usanço :
Tóuti lis agufié fan de fru (grato-cuou, agoulènço...), riche en vitamino C e anti-enflamatiéu, que soun bon à manja, majamen en counfituro.

Port : Aubret
Taio : 1 à 2 m
Fueio : coumpausado
Tipe bioulougico : Faneroufite
Cicle bioulougico : Planto renadivo

Gènre : Rosa
Famiho : Rosaceae

Ordre : Rosales

Coulour de la flour : Roso
Petalo : 5
Ø (o loungour) flour : 30 à 50 mm
Flourido : Printèms

Sòu : Ca
Autour basso e auto : 0 à 1800 m
Aparado : Noun
Mai à jun

Liò : Roucaio - Espinas - Tepiero seco
Estànci : Mountagnard à Subaupen
Couroulougi : Éurasiatico-Cèntre-Ouèst
Ref. sc. : Rosa dumalis Bechst., 1810

Ferigouleto(-pichot-chaine)

Thymus pulegioides

Lamiaceae Labiaceae

Àutri noum : Farigouleto, Serpoulet, Badassoun, Menudet.

Noms en français : Thym faux pouliot, Serpolet petit-chêne.

Descripcioun :
Aquesto ferigouleto se retrobo dins li pelouso de mountagno mounte èi pas raro ; trachis pulèu sus sòu séusous. Jamai eisado à destria d'un biais segur, fau bèn regarda la cambo, carrado emé de péu sus li caire (e pas tout à l'entour o sus dous coustat). Apoundèn que la planto crèis d'un biais simpoudique, emé de ramo que parton dre tout de long de la tijo, e gaire acabado pèr un tros bèn rama. Pensa de coumpara emé lis àutri ferigouleto de mountagno.

Usanço :
La ferigouleto--pichot-chaine a à pau près li mémi prouprieta qu'aquéli de la ferigoulo estènt quand meme mens forto.

Port : Erbo
Taio : 3 à 30 cm
Fueio : óupousado
Tipe bioulougico : Camefite
Cicle bioulougico : Planto renadivo

Gènre : Thymus
Famiho : Lamiaceae
Famiho classico : Labiaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : 2 mm
Flourido : Printèms - Estiéu

Sòu : Si (Ca)
Autour basso e auto : 0 à 2400 m
Aparado : Noun
Mai à avoust

Liò : Tepiero seco - Pelouso
Estànci : Subremediterran à Subaupen
Couroulougi : Éurasiatico
Ref. sc. : Thymus pulegioides L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Rosa dumalis & Thymus pulegioides

ges

Coumpara Agufié(-roso) emé uno autro planto

Coumpara Ferigouleto(-pichot-chaine) emé uno autro planto